鄭欣宜頂硬上撐拐杖騷開
腳傷未愈的鄭欣宜前晚出席音樂會，左腳未拆石膏的她撐住拐杖，硬着頭皮開騷！對於其所屬的蕭定一公司與無綫對簿公堂，她自言沒資格插嘴，又坦言飲TVB奶大，對此事感可惜！
歌手鄭欣宜、JW（王灝兒）、石詠莉、李蕙敏、Super Girls及鄭融等前晚到九展出席音樂會，身穿黑色透視裙的欣宜左腳仍打石膏，右腳則穿上高跟鞋，表演時坐在扶手椅上從升降台現身，唱出《女神》等歌曲。腳傷後首次公開演唱的她，受訪時表示入行多年來學到的是「The show must go on」：「所以就算今次整親隻腳，都要硬住頭皮做。（唔驚傷上加傷？）冇事嘅。」她透露下星期可以拆石膏，同日開始物理治療，要學行路及想快些跳番舞。
「飲TVB嘅奶大」
講到所屬的蕭定一公司與無綫對簿公堂，令蕭定一旗下藝人被無綫封殺，欣宜表示：「大人嘅嘢我呢啲晚輩冇資格插嘴，當然希望大家開心冇事，始終飲TVB嘅奶大，好可惜。」講到有傳她本將在勁歌金曲頒獎禮奪獎，但糾紛或令她食白果，她表示：「唔知呀，等公司安排，有得去我一定去。（會唔會覺得唔抵？）OK嘅，留畀大人搞，需要我時一定會去。」而蕭定一日前在Facebook發文：「大海有真容人之量，明月以不常滿為心！坐井觀天，妄自尊大，只有死路一條！真的要常常告誡自己。」疑似暗寸無綫。
石詠莉婚禮撞頒獎禮
而JW的新歌《維多利亞》與傳不和的鄧紫棋（G.E.M.）新歌《Victoria》撞名，她笑言：「係呀，幾搞笑。（係咪要鬥過？）唔使，我首歌係中文名，佢係英文名。（陳詠謙話你哋冤家路窄，又暗寸佢疑似抄名？）冇，真係抄唔到，因為大家唔同公司又唔同制度，呢件事真係咁啱。」記者笑兩人品味相似，不但撞歌名，連男友都撞埋，因有指
G.E.M.現任男友Mark是其舊愛，JW即尷尬表示：「嗰個唔係同我撞，希望佢健康快樂！」
石詠莉則為婚禮跟新城頒獎禮撞期苦惱：「都係29號，諗緊點算好。（唔通你唔結婚去頒獎禮？）有諗過去完頒獎禮再返嚟晚宴，但應該會畀親朋戚友殺死。」微露事業線的她，自爆是冒住被未婚夫鄧健泓鬧的危險：「因為我平時啲衫係包到上頸。（咁你結婚套衫點？ ）適當啦，唔會太低。」
文：音樂組
攝：張福宏