余香凝全裸都得：演員係幾偉大

24歲的余香凝（Jennifer）近年作多棲發展，包括模特兒、KOL、演員及歌手等，成功打響名堂的她未因人氣急升而自滿及囂張，近日宣傳新歌《簡單情歌》時依舊展現專業及健談一面。Jennifer感恩大家一直給予她機會：「覺得自己幾幸運，開頭做模特兒冇諗咁多，慢慢可以做演員到依家做歌手，最鍾意都係電影，令思想空白嘅我有好多體會同睇法。」

一度與陳家樂冷戰

與英皇藝人陳家樂感情穩定的Jennifer承認去年因大家想法有出入，而冷戰了一段時間，更表示一直不會給予對方壓力：「對方做緊自己好鍾意嘅嘢，同好畀心機時間，唔使刻意Push佢，除非對方好懶惰，我本身鍾意有夢想、比較勤力同熱心嘅人。」再走埋一齊更珍惜對方？Jennifer直認：「都係，決定再喺番埋一齊，我覺得係溝通同共識，知道之後大家點相處就唔係問題。」

余香凝坦言只要有好劇本，不介意全裸演出。	冷戰過後，余香凝與陳家樂都更珍惜彼此。	余香凝認為演員要赤裸地表現感受及情緒。

「身體每部分都係戲」

Jennifer今年憑電影《骨妹》一角入圍「香港電影金像獎」的「最佳新演員」及「最佳女配角」，問到男友有否管束其衣着不能太性感？Jennifer說：「冇喎，其實拍戲時都有講過要全裸都唔介意，只要劇本好，演員其實係幾偉大嘅一件事，為做好一個角色好赤裸裸地表現自己感受同情緒，身體每個部分都係演戲，如果角色好我係唔介意。」

文：音樂組

攝：劉斌

髮型：Oscar Ngan@ii ALCHEMY hair & nail

服裝：MO&Co.