羅仲謙Ready造人楊怡:承你貴言

楊怡與羅仲謙婚後各有各忙,至今仍未傳出懷孕喜訊。對於有相士指二人有機會在2018年生小朋友,他們聞言難掩喜悅地說:「承你貴言!」羅仲謙更表示已經準備就緒。

羅仲謙與楊怡昨晚夫妻檔出席「史諾比在時代廣場過聖誕」開幕禮活動,大晒恩愛。談到他們已有一段時間未有合體搵銀,羅仲謙笑說:「都有一段時間喇,反而其實想同老婆一齊拍戲,但依家仲係各有各忙。」楊怡亦稱現在忙拍劇,估計要拍到十二月。問到是否沒有時間造人?羅仲謙說:「依家個社會真係好難造人o架,其實我哋喺香港成日見面,咁啱呢幾個月我都喺香港。」對於有相士批二人2018至2019年有機會生小朋友,二人聞言開心大笑,並說:「承你貴言啦!」問到是否正在積極造人?羅仲謙說:「都準備好,都想。不過呢啲係天意嚟嘅。」楊怡則說:「如果個天畀個咁好嘅消息我,我都想同大家分享嘅。」

同家人開聖誕P

楊怡表示聖誕願望是到芬蘭的聖誕老人村度過,但今年要工作未必能成事:「呢個要計劃o架,但忙住拍劇邊有時間Plan(計劃),將來同自己嘅小朋友去係我嘅夢想,不過同家姐啲小朋友去都得。」她又透露日前已收到家姐電話邀約,將與家人開聖誕派對。她認為其實只要一家人在一起,去任何地方慶祝都冇所謂。

文:專案組