李佳芯嘲自二奶命
李佳芯（Ali）昨日以孕婦Look出席新劇造型活動，對於有傳原本擔正女一的岑麗香（香香）辭演，即惹來懷孕揣測，監製廖晉碩代為否認傳聞，而Ali表示以前都試過「執二攤」，笑言自己是二奶命。
無綫新劇《BB來了》一眾演員李佳芯、黎諾懿、高海寧（高Ling）、黃長興等昨日於電視城出席造型記者會。Ali表示劇情將拍攝由沒有BB到BB一歲的情節，對她而言是一大挑戰。有傳其角色原本由岑麗香演出，Ali坦言有聽聞過，笑說：「我成日都係咁，之前都試過（執二攤），都慣咗，不過個角色好玩有挑戰先接啫！」
黎諾懿：香香冇媽媽樣
監製廖晉碩則表示最初的構思，香香是其中一個選擇。問到為何之後換了Ali？他說：「因為香香結婚後第一年，想陪多啲屋企人。」又代香香否認懷孕：「唔係呢個原因。」而黎諾懿表示台慶當日才見過香香，對方健步如飛，笑言：「如果有咗，唔會瞞得過我嘅法眼，因為有咗嘅女士會有個媽媽樣，我唔覺得香香有囉！」今次黎諾懿可以在劇中一圓生女夢，更獲太太批准照顧早前做完手術的Ali，笑言太太不會因而呷醋。
高Ling直認恨生B
此外，高Ling表示今次的假肚是度身訂造，重5磅，令她感受到做媽媽的辛苦：「有BB好似好幸福，我好恨做媽媽，我細細個夢想做幼稚園老師，因為小朋友個世界好簡單。」身旁的黃長興即說，玩和照顧小朋友是兩回事。
文：影視組