鄧智偉：近半年拒見人 汪明荃讚老闆娘Nice又叻

鄧智偉：每次返港都會約方小姐出嚟吃飯，對上一次係半年前，最近返嚟都有搵過佢，但佢話有少少感冒，跟住同我傾咗半個鐘電話。我都覺得奇怪，佢好似一直刻意唔畀我哋見咁，之前話唔出嚟，費事傳染我，可能佢想將最好嘅一面留畀我哋。我哋新年倒數都一齊，佢都好精神有講有笑，只係話有啲腳痛。

甄珍：想都沒想過，太突然了！（知道她有甚麼病？）她一直都不跟人講，只說恢復當中，很遺憾沒有見到她最後一面。她就像大姐姐，相識五十年一直照顧我。她是一個非常真誠、非常低調的人，十分疼我和子千（兒子），她走了，真的好心痛。

汪明荃：佢係我哋嘅老闆娘，留低都係美好嘅回憶，好記得當時《我的野蠻奶奶》播緊，我經過寫字樓，佢同我講話我做得好好，好好笑，佢係個好叻同好Nice嘅人。

黎耀祥：每年台慶影大合照時都見到方小姐，對方係一個好有禮貌、對台前幕後都好客氣嘅長輩，經常對我哋唔該前唔該後。方小姐嘅離去對無綫係一個可惜，佢都付出好多。

汪明荃	薛家燕	秦沛

薛家燕：台慶嗰晚都冇見到佢以為佢忙，依家知道佢去世嘅消息，好難過、好唔捨得！方小姐生前非常照顧台前幕後同事，好關心無綫嘅大小事，佢真係有睇我哋嘅節目，見到面都讚我哋啲衫好靚，邊度買定係自己整。

徐楓：十分難過！方逸華一向對我很好，曾找我傾談投資生意計劃。幾個月前聽說她病了，我都準備去探望，但她說不想見人。我很感激她的賞識，會返港送她最後一程。

秦沛：聞方逸華死訊時激動得掩住心口，一度雙手掩面眼泛淚光：好突然！我識咗佢二十年，好耐冇見，會聯絡方逸華嘅妹妹了解同慰問。