蕭正楠買戒指黃翠如呻冇收

鄭裕玲（嘟嘟）、農夫的陸永與C君、黃翠如、蕭正楠及馬國明昨日出席節目《Do姐再Shopping》記者會，翠如表示跟嘟嘟已是第二次合作，令她變得更守時！行程中最令翠如難忘是在日本玩攀石：「我覺得好難，嘟嘟好快上咗去，佢有教我哋瑜伽，佢筋骨好軟，我硬好多。」翠如此行買了著名的烏冬做手信，笑言很多東西買唔起：「好似有炭做嘅飾物要成七位數字。」反而男友蕭正楠買了很多美食給她。講到預告片中蕭正楠在意大利揀戒指，翠如無奈說：「係囉！見到佢有睇戒指，但我冇收到喎！」