何弘軒盼做男版吳君如

歌手何弘軒（Alan）、吳秀明及享樂團成員黃潤成（Samuel）出席微電影比賽活動，第二次參賽的Alan坦言想挑戰自己：「想做吓搞笑嘢，做男版吳君如幾好！《家有囍事》嗰啲『又係你呀陳生？』」又表示目標是奪比賽的最佳男主角，曾是童星的他兒時經常拍戲，但長大入行後機會減少。談到今次對手眾多，他透露當中九成是朋友，屬良性競爭，並笑說：「最佳男主角分金、銀、銅獎，我攞金獎，銀、銅留番畀佢哋！」談到將與導演呂達榮合作，Alan大讚對方出色，二人打算加深了解後才開始撰寫劇本。