二十四氣節中嘅立冬剛剛過去，氣溫將會漸漸下降，各位男士記得提醒愛人注意保暖呀！不過話時話，要供給暖意又唔一定由男士負晒責任，女仔都一樣得！好似久松郁實咁，身材健美，加上一身古銅膚色，渾身散發出陽光魅力，令人暖入心！
相信絕大部分人都會認為女仔肌膚雪白先算係靚女，所謂一白遮三醜嘛！但係有睇開日本AV嘅朋友都應該會睇過，好多涉谷系女優肌膚黝黑，不過體態同美貌以及床上實力，全部都唔會輸畀其他女優！相對於AV界，日本寫真界嘅黝黑女孩就少得多，然而唔代表佢哋質素唔高，好似有「日本第一黑肌寫真偶像」之稱嘅橋本梨菜就索到啪啪聲，至於今日同大家見面嘅久松郁實亦係另一位極品黑妹！
21歲嘅郁實擁有一副甜美又天真嘅青春美貌，氣質高雅卻又不失活潑感覺，一睇就知郁實係影視圈活躍嘅青春派偶像，呢方面就一陣再同大家介紹。郁實身材豐滿又健美，全身嘅肉地連同E Cup上圍長年都咁結實彈手，據講阿妹佢每日都會保持進行一小時運動嘅習慣，最鍾意就係玩水上運動，亦係一位劍道高手，難怪郁實雙眼電力十足又咁銳利啦！
2008年久松郁實喺原宿被星探發掘，之後仲做埋時尚雜誌《Hana*Chu→》專屬模特兒，後來轉到另一本雜誌《CanCam》繼續做模特兒工作。然而，如此充滿陽光味又好身材嘅郁實又點會被寫真界錯過吖！郁實以其火辣身材加上精靈甜美嘅面孔成功俘虜廣大寫真迷，人氣度相當高！
據郁實表示，其實佢嘅理想職業係另外一種可以令男人傾心嘅職業，冇錯！就係護士喇！之不過，郁實話家陣喺寫真界以及影視圈都發展順利，暫時放棄做護士先，並希望未來可以拍到一部同醫護有關嘅劇集，咁就有機會扮演女護士一償心願喇。提到劇集，郁實出道以來拍咗唔少日劇同電影，電影作品包括《携帶彼氏》、《土竜の唄 香港狂騷曲》，最近郁實就有份參與演出新劇《Road To Eden》，據聞佢會喺當中有充滿挑逗性嘅演出，有追開日劇嘅朋友認真要留意喇。
簡介：久松郁實雖然工作忙碌，但係早前亦忙裏偷閒去咗久米島度假，如果大家想睇郁實去到當地玩過乜同食過乜，就要Click入佢嘅Twitter睇睇喇。
網址：https://twitter.com/hisamatsuikumi
年齡：21歲
身高：5呎5吋
三圍：34E-23-34
撰文：賢