黃依汶囝囝學雙節棍 對抗梁浸浸迷魂鎖
歌手鄭希怡（Yumiko）與好友黃依汶（Emme，前名黃伊汶）、黎諾懿及攝影大師水禾田昨日出席慈善義賣活動。Yumiko的兩歲女兒梁浸浸與Emme的1歲8個月兒子陳真經常見面，而且一起上學，十分老友。Emme透露看書學教仔，並會與Yumiko分享，她說：「我對住陳真耐性多咗，覺得佢天資聰敏，所以睇書學，畀心機啲教佢。」Yumiko則表示教梁浸浸跳舞、唱歌及彈琴。
鄭希怡想對親家
Emme又爆老公教陳真耍雙節棍，笑言用來自衞：「梁浸浸見到陳真好肉緊，會用手箍住陳真條頸，有次佢唔小心(界丨亅)到陳真塊面，老公話男仔冇乜所謂，但有啲肉赤。」又大讚梁浸浸可愛及與別不同。問到二人會否對親家？Yumiko即爽快贊成，又大讚陳真好靚仔，但Emme笑言：「冇諗呀，佢哋係成長朋友，大家住得近，返學有個照應。」
文：名人組