on.cc東網直播東方龍獅火併冠忠南區

相隔接近兩星期的國際賽空檔後,港超聯今晚重燃戰火,由東方龍獅假旺角大球場迎戰冠忠南區。東方龍獅上輪聯賽成功開齋,前鋒洛迪古斯亦有望復出;冠忠南區雖有蘇沙停賽,但有前鋒加洛斯及中堅加拉度傷愈復出,令這場銀牌4強預演賽存在更大變數。究竟「藍衫軍」能否取得連勝?球迷們記得留意東網on.cc直播!

(東網on.cc周五晚8時直播)

上仗聯賽憑勞高於完場前梅開二度,以3比0大勝陽光元朗的東方龍獅,在取得今季聯賽首勝後脫離榜末位置。主教練司徒文俊認為,該場勝仗已為球隊增強信心和士氣,目前要做的便是將如此表現持續下去:「球隊喺贏波後已經攞番信心,依家希望佢哋可以繼續踢出好表現。目前球隊喺傷兵方面總算紓緩咗,好似洛迪古斯同沙巴嘅情況都無大礙,兵源尚算充足。」

鄭兆聰唔敢輕敵

然而,葉鴻輝、麥基及徐德帥均於周二對黎巴嫩為港隊踢足全場,「司徒Sir」坦言要視乎球員臨場狀況才決定他們會否上陣:「賽程這樣安排都冇辦法,『阿帥』同麥基喺踢完港隊出現疲態,所以佢哋正選上陣機會較低,喺訓練上會以恢復為主,會畀佢哋休息多啲。」

最近表現不太穩定的南區,繼在菁英盃不敵標準流浪後,上仗聯賽主場對和富大埔則以1球見負,目前排在聯賽榜第4位,但比排第3及第5的香港飛馬、夢想FC多踢1場。主教練鄭兆聰表示,期望球隊在加洛斯、加拉度及比圖等傷兵相繼復出後能重返正軌。雖然陣容人腳漸見完整,但「Ricky Sir」亦不忘提醒球員要小心應付對手:「佢哋之前只係遇上信心問題,不過經過對元朗一役後,對手信心已經好好多,尤其佢哋隊中好似古高同迪高狀態都好好,所以希望球隊喺防守方面做得好啲。」

東方龍獅大總管「龍仔」做老襯

追隨東方龍獅總監梁守志多年的球隊大總管「龍仔」陳子龍,昨與女友Kenas拉埋天窗,下午於尖沙咀某空中花園舉行證婚儀式,晚上則擺設婚宴,多名球圈中人到賀。圖為東方龍獅職、球員與一對新人合照留念。

本周賽程

11月17日(五)

中銀人壽香港超級聯賽

東方龍獅 Vs 冠忠南區

旺角大球場

晚上8時$80、$30(特惠票)

11月18日(六)

中銀人壽香港超級聯賽

R&F富力 Vs 理文

廣州燕子崗體育場

下午2時30分$50(港元)

11月19日(日)

中銀人壽香港超級聯賽

夢想FC Vs 標準流浪

青衣運動場

下午2時30分$60、$20(特惠票)

陽光元朗 Vs 傑志

元朗大球場

下午5時30分

$60、$20(特惠票)