45歲的香港導演黃真真日前與拍拖5年的圈外男友林先生訂婚，事後把照片上載社交網，她昨日透露訂婚全因一位玄學家朋友贈言：「佢三個星期前建議我快啲訂婚，父母開始年紀大，咁啱佢哋呢排由加拿大、美國返嚟，所以開開心心玩咗一晚。（會唔會大搞婚禮？）唔會啦！我哋唔係嗰隻Style。（戒指幾多卡？）我唔太鍾意鑽石，呢隻係未婚夫設計，係簡單款式。（幾時簽字？）都未知。」
