張曦雯即時收起性感
藝人張曦雯昨日穿密實晚裝出席活動，問到是否因無綫「限奶令」收起性感？她說：「唔係，同公司指引無關，唔係規矩，係畀安全感我哋，唔想着嘅衫可以唔使着。」又透露月底到澳洲拍攝《3日2夜》節目，不會因公司指引影響衣着，加上自己不是賣弄身材，適當時候會穿三點式泳衣。問到穿三點式是否要襯T恤？她表示可自由選擇，會選漂亮的薄紗。
至於歐陽巧瑩在節目中半裸做Spa的鏡頭遭刪減，問到曦雯可有減少泳衣鏡頭？她指沒收到指示，而且景點是由澳洲旅遊發展局安排。問到導演有否要求她穿三點式？她說：「冇，自己揀，可能因為之前荷里活發生Harvey Weinstein性醜聞，所以對我哋有保障。」並透露台慶仍未揀裙，但強調不會受公司指引影響決定。