杏兒谷奶升Cup驚嚇親姊妹

大陸電視劇《那年花開月正圓》女主角孫儷與胡杏兒昨晚出席時裝品牌Moncler旗艦店開幕活動，剛坐完月的杏兒被問到為何心急搵奶粉錢？她說：「我都冇諗咁快，諗住見孫儷。」她透露現全餵人奶，希望餵到囝囝半歲。提到她早前在一班姊妹面前餵人奶？她直言：「係，同姊妹好Close，我驚嚇親佢哋，好大（上圍），想感染佢哋都餵人奶。」
孫儷表示冇同杏兒傾湊仔經。
孫儷表示冇同杏兒傾湊仔經。

孫儷讚收身快

而孫儷大讚杏兒火速收身：「佢超強，復原得好快，我生完坐完月都唔敢咁快見人。」同場的韓國人氣男團EXO成員世勛，獲逾500粉絲撐場，但他只逗留五分鐘就離開，而且木無表情，Cool爆！另外，台灣歌手吳建豪提到好友言承旭與林志玲復合，即笑笑口說：「It's great！我講過兩個人的事情開心就好，人好又善良。」

火速收身的胡杏兒大呻餵人奶辛苦。
  • 火速收身的胡杏兒大呻餵人奶辛苦。
世勛快閃出席活動，全程Chok到爆。
  • 世勛快閃出席活動，全程Chok到爆。
吳建豪對好友復合感到高興。
  • 吳建豪對好友復合感到高興。