藝人朱千雪（Tracy）昨日到德福廣場出席「高迪築‧跡」活動時，透露聖誕已有節目：「聖誕要考試，放假會返加拿大探屋企人。（同男朋友一齊返？）唔會，佢探佢嘅屋企人，我探我嘅屋企人，或者約個時間喺香港見。（預備好聖誕禮物？）未，揀禮物係好頭痛嘅，或者寫張有意思嘅卡，好過送啲人哋唔鍾意嘅禮物！」問到何時再拍劇？她說：「要睇公司安排，我嚟緊會出席台慶。（唔影響溫書？）我已經訓練到自己可以利用化妝同唔使埋位嘅時間溫書，但尋晚發夢考試唔合格，得25分，嚇到我即刻扎醒咗！」
