排舞撞正陳自瑤 蔡思貝大方打招呼
藝人蔡思貝出道以來緋聞不絕，昨日她與兩位緋聞男友洪永城及溫家偉同場出席活動，不時舉手玩「側漏」，露出打底Tube Top！她又自爆為台慶排舞時巧遇陳自瑤，但未有因與王浩信傳緋聞而避忌，更大方打招呼。
藝人蔡思貝（Sisley）、洪永城（Tony）與溫家偉昨日到寶琳出席活動，電力十足的Sisley以針織衫示人，打底Tube Top若隱若現，加上上衣採腋下開窿設計，一舉高手即露出Tube Top與纖腰，非常養眼！她說：「唔驚走光，我做足安全措施。（大會搵你緋聞男友洪永城、溫家偉同場？）我唔介意，可以一齊工作、一齊出活動都幾好！聖誕、除夕我都會出席活動，仲會唱歌，呢排練緊歌同練跑步，因為想參加半馬拉松。」
早前Sisley在無綫活動上，與王浩信及其太太陳自瑤（YoYo）同場，問是否因與王浩信傳緋聞而刻意避開YoYo？她說：「冇避，我哋台慶表演嗰隻舞有50個人一齊跳，我練舞都有見到YoYo，都有打招呼！」
洪永城恭喜舊愛
至於Tony提到在新劇《降魔的》中舔劉佩玥（Moon）的臉一幕，他笑說：「拍嗰時係真舔，一Take過，拍之前有同阿Moon商量，佢話『啱啦，橫掂拍完收工，當落妝！』，我覺得其實可以舔正面、舔鼻咁囉！（變咗阿Moon Fans嘅公敵？）有咩？依家回響幾好，我等拍續集！（約咗緋聞女友『辣版陳嘉桓』過聖誕？）冇，佢係朋友嚟，嗰次係一大班朋友食完飯，我送佢返屋企。（舊愛唐詩詠被影到同男士食飯、睇戲？）係咪真拍拖？如果係，恭喜佢！」
文：影視組