農夫獲嘟嘟捱眼瞓投懷送抱

組合農夫前晚舉行第三場《等錢洗演唱會》，獲藝人田蕊妮、張繼聰、黃又南、太極樂隊成員劉賢德及太太、樂隊Supper Moment主音Sunny捧場，而鄭裕玲（嘟嘟）的出現更令全場起哄。嘟嘟向農夫說：「要做得好好睇睇，如果唔係我會早走，我真係好少睇騷，幾多人請過我都唔睇，因為我真係好早瞓。」她又指成員陸永「很奸」，為請她現身再出絕招：「打電話嚟同我講話搵架車嚟車我，嚟到後我想幾時走就幾時車我返去。」陸永即說：「呢個安排真係好貼心。」最終嘟嘟都畀足面睇足全場，陸永主動走落台與她擁抱，笑指嘟嘟主動投懷送抱，更欲拒還迎！