何雁詩力撐鄭俊弘似狗多啲

歌手何雁詩前晚出席滅罪活動，提到男友鄭俊弘被傳拜狐仙，她笑言有問過男友，Fred反問她甚麼是狐仙。她又力撐男友說：「佢問我咩係狐仙，我話臭狐嗰啲囉！佢都唔知係咩，所以一定唔會啦，同埋佢都係鬼仔性格。我開頭都唔知，了解咗先知唔係臭狐，睇電視話拜完會似狐狸，佢邊似？最多似狗仔或者熊仔！」

強腰補肝品賀男友生日

談到Fred日前34歲生日，她表示送了維他命C及補肝的健康補充品給他：「見佢今年開始踏入中年嘛！（補肝對腰力好？）我唔知呀，都好嘅！」至於被問到近月甚少出席公開活動，她表示節日會有更多工作：「都OK，比想像中好，諗住發生咗啲嘢，會靜啲，但係都好多謝大家支持。」

另外，Fred昨日獲300歌迷開生日會補祝，他表示願望是開開心心及身體健康，多些好歌。問到如何與女友慶祝，他表示去了旅行，日前亦與一班很久沒見的舊同學飯局。提到之前有不少負面新聞，歌迷仍對他不離不棄，他說：「非常多謝佢哋，佢哋每日都留言為我打氣，鼓勵我。（有傳你拜狐仙，歌迷有冇笑你？）冇人笑過我，都唔係真事，覺得傳聞好搞笑，原來有拜動物o架？我以為只有拜神、拜佛，未聽過拜狐仙。（話有助異性緣？）我覺得每個宗教都係導人向善，唔係去拜財富或者想要嘅嘢。」

文：音樂組

攝：司徒國榮、吳文聰