每日下廚箍男友 雷莊𠒇自信係好老婆

應屆港姐冠軍雷莊𠒇前晚穿一襲貼身裙出席「歡樂滿東華2017籌款活動開展儀式暨聯歡晚宴」，其導彈身材呼之欲出，令同場的港姐亞軍何依婷被比下去。

煮嘢食當Relax

向來自信心爆棚的雷莊𠒇，表示想自薦在歡樂滿東華當晚表演廚藝，她說：「我喺加拿大自己照顧自己，我同爸爸都好叻煮嘢食，爸爸都有教我，我最叻整咖喱，感恩節我可以煮火雞畀大家食。（有冇煮過畀男友食？）我每日都煮畀佢食，佢好幸運，我好鍾意煮嘢食，我以前好勤力讀書，煮嘢食當係Relax。（男友對你廚藝有咩評價？）佢成日話好食，唔會話唔好食，有時我都唔知係咪真係好食，不過我未試過煮得好差，可以測試吓我，將來可以做個好太太。」

胡渭康操出「冰格」肌

同場的歌手胡渭康正忙於為明年2月的演唱會操練，並請了私人教練加操兼做空中瑜伽，已練成多舊腹肌，笑言似足「冰格」：「要有八舊好難，要脫水好似人乾咁好唔健康，真係會死得人。」很多人問他演唱會當晚會否除衫騷肌，他笑言到時睇Mood而定。

何依婷斯斯文文，被比下去。	胡渭康（圖）與王賢誌同亮相聯歡晚宴。	王賢誌

而藝人兼東華三院副主席王賢誌，過往都負責東華的活動司儀，他說明年若成為主席，不能分身，故今年可能是最後一年做司儀，覺得有點唏噓。他又提到同性「老公」周思聰正在北京學花藝，家中的花草交由他打理，笑言擔心整死老公心愛的植物。

文：名人組