- on.cc 東網主頁
- 3月31日 (一)
冼國林執導、孫耀威、葉芷茹及陳欣妍主演的電影《我們的6E班》，全片投資約580萬港元，屬「小本經營」，近日獲邀出席《第一屆馬來西亞國際電影人年展》，冼國林更有份角逐新進導演獎，而陳欣妍入圍最具潛質演員獎。冼國林率領旗下藝人阮頌揚及葉芷茹等飛到當地出席盛會，雖然兩獎落空，但冼國林坦言：「今次入圍有咁多個國家嘅出品，真係強敵當前，我哋小本經營有咁嘅成績，導演獎我入到三強都算有交代啦！今次能夠親身見證香港同業們得獎，我哋都好開心。」
另外，姜皓文憑《拆彈專家》於頒獎禮奪最佳男配角，他形容自己與馬來西亞十分有緣：「啱啱喺度慶祝生日兼結婚18周年，我又喺呢度置咗業，其實我外公係馬來西亞人。呢個係我入行32年第一個電影獎，好感恩。」而何超儀憑《無限春光27》獲最佳女配角。另外，狄龍獲頒終身成就獎殊榮，從當地多位重量級嘉賓手上接過獎項，全場掌聲雷動，身為狄龍師弟的冼國林亦相當欣慰。
文：影視組
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
