縫完8針 唔見1條線！？古天樂右眼「凸線」宣萱呵番
古天樂（古仔）早前拍戲時整傷右眼，在眼球上縫了八針，昨日他出席活動時表示康復理想，但覆診時發現一條線離奇失蹤「搵唔番」，搞到右眼「(石肯)住(石肯)住」！而老拍檔宣萱就指有近觀古仔的傷勢，見到對方眼白上的確有條透明線凸出來，令她嘖嘖稱奇！
藝人古天樂、宣萱、徐子淇、「女飛魚」歐鎧淳與男友胡子彤、蘇麗珊、苟芸慧與男友陸漢洋、倪晨曦等昨晚齊到會展出席時尚活動，早前拍戲整傷右眼眼球的古仔仍戴黑超到場，受訪時他透露眼球康復理想，視力不受影響：「嚟緊會去拆線，但之前覆診唔見咗一條線，八條線得番七條。（溶咗？）唔係，呢隻唔會溶，唔知去咗邊，都未搵到。（會唔會『(石肯)住』隻眼？）會，係咪都『(石肯)住(石肯)住』！」更指此次受傷令媽媽勁擔心，還吩咐他即刻去還神。
老拍檔會再演情侶
問到同場的宣萱有沒有慰問古仔？她指一直不敢打擾受傷的老拍檔：「估唔到眼球可以縫針，今次見識到，頭先都望咗佢隻眼，真係見到眼白上面有條透明線凸咗出嚟。」至於兩人何時再合作，古仔表示計劃了一段時間，之後一定會合作，宣萱即笑言：「一定要再演情侶！」
歐鎧淳嫌棄胡子彤DIY
而胡子彤和歐鎧淳罕有拍拖出席活動，問到聖誕節會否去旅行？歐鎧淳即不屑說：「未知，唔知佢要唔要拍嘢，有冇時間！」胡子彤說：「點都會抽時間一齊慶祝。（預備禮物未？）我通常會DIY。」此時歐鎧淳即反白眼：「佢送親嘅禮物都係DIY，雖然有小小瑕疵，但都好好嘅，所有都好犀利，不過男仔送DIY有啲驚囉。」又笑指男友比粗魯的她細心得多，問到二人是否掉轉角色？胡子彤笑說：「咁都估到，多謝晒，好開心！」
採：名人組
文：影視組