黃翠如洪永城友情觸礁？

藝人黃翠如早前遠赴泰國拍攝無綫節目《使徒行者 臥底遊戲》，她指是次體驗非常難忘：「今次遊戲嘅玩法係全新形式，好考驗朋友之間嘅情誼。拍攝一啲都唔輕鬆，大家要鬥智鬥力搵黑警，做黑警嘅藝人心情特別緊張，因為成班人都好投入！」翠如自爆在遊戲中與死黨洪永城出現信心危機，更差點影響友誼：「同洪永城有啲位，我會諗究竟信唔信佢好？有時會因為咁而激嬲對方，但大家都知係遊戲，唔會真係嬲同擺喺心入面。」另外，翠如昨晚出席腕錶活動，表示想放短假去旅行及學做戲，但否認因演技被批評而進修：「與批評無關，努力係必須。」