揪出誰是黑警！蔡思貝自保屈陳凱琳 內疚爆喊
藝人蔡思貝在明晚播出的無綫節目《使徒行者 臥底遊戲》中，被迫「出賣」好姊妹陳凱琳，隨即內疚爆喊，陳凱琳見狀喊埋一份，齊齊變喊包。蔡思貝表示：「內心好多掙扎！」
無綫向來積極炮製新節目，近日便花數百萬製作費到泰國拍攝綜藝戲劇真人騷《使徒行者 臥底遊戲》。顧名思義，節目集合劇集《使徒行者2》元素追尋黑警，由八位嫌疑警察黃翠如、洪永城、陳凱琳、蔡思貝、麥美恩、楊潮凱、余德丞及林盛斌透過真人騷遊戲，抽絲剝繭找出「黑警」，而當中的黑警既要搞破壞，又要掩飾身份，鬥智鬥力兼考驗友誼與信任。
「苦肉計」掩飾身份
節目一開始便披露蔡思貝是黑警，故她在第一項任務已使出「苦肉計」掩飾身份，遊戲要八人一起用雙腳托起冰水盆，再為身旁拍檔脫襪，蔡思貝先捱一盆冰水照頭淋博取信任。眾人於第二項任務要戴上牙膠，露出牙肉展現醜怪搞笑樣，口齒不清地接龍傳遞指令。而陳凱琳竟將簡單口令講錯，成為眾矢之的，惹人懷疑！第三項任務是尋找目標女學生，麥美恩行動失敗接受懲罰被潑水，認真慘情！
豁出去戴牙膠扮醜
最後眾人激辯投票揪出黑警，友情大考驗，「賊喊捉賊」的蔡思貝揀了陳凱琳，但卻內疚爆喊：「監製搵我做黑警，內心好多掙扎，自己又驚、又心虛、又驚呃唔到人，呃到人又驚畀觀眾鬧。」蔡思貝更因「出賣」好姊妹而泣不成聲：「要呃自己唔係黑警先做得似，揀咗陳凱琳又好唔忍心，好似出賣咗好姊妹咁，感覺好複雜。不過，經過呢七日拍攝，大家感情更加好。」
被「出賣」的陳凱琳認為今次的遊戲節目十分難忘，除了是大製作外，事前大家都被蒙在鼓裏，故玩得相當投入：「因為大家太投入，感情上有少少摩擦，喺投票估黑警嘅時候，因為同蔡思貝係好好朋友，大家懷疑對方係黑警，但又唔想擺對方上枱，所以都幾難受，見佢爆喊，我又跟住喊。」講到要戴牙膠以醜怪樣示人，陳凱琳笑指拍攝時已豁出去，暫時放下形象。
文：影視組