陳志雲撐梁泰來 杜汶澤：我敵人太多

早前DJ梁泰來（Terry）訪問杜汶澤後被炮轟，Terry前晚與陳志雲出席藝術活動，但拒接受訪問。志雲指風波只是小事：「Terry唔係侮辱佢，係表達上有啲誤會，可能講者冇心，聽者有意，阿澤千祈唔好唔開心，會影響健康！」他表示曾與杜汶澤做訪問言談甚歡，難得對方敢言及坦白，大家要珍惜，坦言如題材適合歡迎對方上其時事節目。
陳志雲（右）撐梁泰來無心侮辱杜汶澤。
陳志雲（右）撐梁泰來無心侮辱杜汶澤。

至於杜汶澤前晚與鄧麗欣、歐錦棠、倉田保昭等在金鐘出席電影節活動時，他感謝陳志雲關心，但不會試圖破冰：「男人唔講呢啲嘢。」問日後見到Terry時會否尷尬？杜汶澤說：「唔會，我喺香港咁多敵人，如果個個見到面都要尷尬，我咪好唔得閒？（會打招呼？）我喺香港咁多敵人，如果個個見到面都要打招呼，我咪好唔得閒？（如果佢做主動？）咁我就唔知到時會點喇！」

杜汶澤與鄧麗欣以黑Look出席活動。
  • 杜汶澤與鄧麗欣以黑Look出席活動。