洪朝豐舌癌「賭命」信中醫
最近證實患舌癌的前DJ洪朝豐前晚出席首映禮，他表示：「西醫話一個星期後做手術，但食緊中醫草藥，脷嘅痛楚少咗。（押後手術﹖）會去南京三個星期接受中醫團隊治療。西醫話過咗做手術嘅黃金時期，但我覺得任何一個醫療決定都係賭博，願賭服輸。」問到是否不想做手術？他說：「聲音係我最大寶藏，未到最後都想保留把聲，初步估計條脷最少要切三至五成，脷底如果要切除癌細胞，就要破開下巴，殺傷性好大，未到最後都唔想做。中醫就溫和啲，唔會影響講嘢、食嘢。左邊淋巴都掃描到有粒粒，唔確定係咪擴散，做手術就會切除埋。」
洪朝豐否認為醫藥費撲水，並強調不怕死：「如果死都會帶住笑去死，我會輸得起。（交低身後事﹖）間屋會留畀個仔。」昨日他起程到南京治療，醫藥費逾兩萬元人民幣。