陳欣健開騷立生死狀同李思捷鬥搞笑
藝人陳欣健（Philip）昨日為12月26日在旺角麥花臣場館的「陳欣健EVEN NOW 此情此刻‧濃情金曲聖誕夜」舉行記者會，首度開個唱的他獲兩位女兒陳早茵、陳早怡及女婿Francis前來支持。人緣甚好的Philip亦獲不少圈中朋友撐場，包括吳岱融、秦沛父子、組合Bingo成員Carman和Odilia等，並獲許志安、梁漢文及吳耀漢等拍片祝賀，Philip更即場騷歌藝。而任演唱會嘉賓的李思捷則與Philip笑言立下生死狀，當晚要鬥搞笑。
Philip笑稱早在4、50年前已經有構思開騷，但想不到好友兼演唱會製作人Simon突然通知，預留3日聖誕節開騷檔期，當禮物送給他，Philip坦言：「聽到嗰刻係由開心、驚、到鎮定，證明香港人好肯創新同嘗試，竟然畀一個大阿倫（譚詠麟）5歲嘅人開騷。其實依家嘉賓名單已經唔少人，有許冠文、梁漢文、車婉婉、李思捷、仲有兩位神秘嘉賓，導演仲話我冇獨唱機會，我揀咗三首獨唱歌，佢仲叫我cut一首，我話殺咗你呀！我演唱會嚟o架！」
