袁詠儀覓筍盤睇啱屈老公買
藝人袁詠儀（靚靚）及廖啟智前晚到浸會大學出席活動。靚靚到場即被追問老公張智霖（Chilam）購入近億豪宅一事，「人逢喜事精神爽」的她笑着說：「冇我個名o架，係老公首次置業。今次係自住，有家嘅感覺，咁佢係一家之主嘛。我都唔會放過佢嘅，如果再睇中心儀單位，就會叫佢送畀我。（幾錢？）唔知o架。（要過億？）睇吓自己鍾唔鍾意啦。」
廖啟智自嘲漏網之魚
靚靚指新居可能數年後才入伙：「因為未開始諗點裝修，既然自住就想有自己嘅風格，或者可能暫時先放租，我就比較鍾意簡單嘅設計。自從有咗小朋友後，屋企多咗好多雜物，我都冇型咗好耐嘞。」
廖啟智則笑言拍竣莊文強新片後一直「量地」至今，問到會否考慮改拍電視劇？他說：「暫時未有咁嘅機會。（如果TVB搵？）都好難得o架啦。（其他台？）暫時未有住，可能佢哋未留意到我。其實依家啲網劇、網電好多，一網打盡，但我係漏網之魚！」
文：影視組