何雁詩宅女煲劇惹自殺疑雲！
曾陷抑鬱症困擾的何雁詩日前在社交網站「告別世界」，惹來自殺疑雲，身邊好姊妹如劉佩玥等連日來為她解畫！何雁詩昨日就事件現身說法，自認「個底唔好」令朋友擔憂，笑言只是做宅女準備在家煲劇。
歌手何雁詩、林穎彤（Bella）與翟威廉、羅天宇等，昨日到元朗出席明珠台節目《台慶鉅獻：天與地II》宣傳活動，一眾藝員即席Live Band獻唱，又分成兩隊玩遊戲，何雁詩俯身食提子外，更被拍檔翟威廉餵食蕉，場面搞笑。
好友留言慰問
曾傳患抑鬱症的何雁詩日前在個人社交網站留言「Goodbye world,stranger things is out」告別世界，令人聯想到自殺，她解釋說：「我留言之後去咗瞓覺，起身見好多朋友留言問我有冇事，其實有追美劇嘅朋友都知我係講緊劇集《Stranger Things》，見到新一季一連更新幾集，我意思係準備宅喺屋企追劇啫！估唔到大家反應咁大，可能係我個底唔好，情緒底唔好囉！我依家好開心，又可以煲劇，大家唔識套劇嘅依家都識啦！」
林穎彤變「師姐」
剛成為星夢小師妹的Bella，首次與師姐何雁詩同場演出，她笑言有點驚：「所以要跟住師姐出嚟先得！（擔心唱得唔好？）又唔係，只係要好多時間準備，唱一句都準備好耐。（簽約星夢後第一次表演唱歌？）其實喺《星和無綫電視大獎2017》都表演咗次，不過公開活動算係首次。」至於被指是大師姐的何雁詩，聞言即爆料說：「我唔係大師姐，我係阿妹，係大師妹！其實我同Bella同年，佢仲大我幾日添！你哋咁講，我輩分咪大過周柏豪囉！」
文：影視組