李天翔沖繩行禮偷雞影婚照

李天翔本月10日與拍拖六年的女友譚寶怡簽字結婚，當時到律師樓簽字的他，已預告將到沖繩教堂行禮。日前穿西裝的天翔與穿婚紗示人的老婆，齊在沖繩甜蜜行禮，好友鄭世豪獲邀觀禮，並在社交網貼出一對新人的婚照分享喜悅！

心情緊張

李天翔受訪時坦言心情緊張：「首先多謝大家嘅祝福！我同太太其實係10月27日喺沖繩教堂行禮，因為太太之前講過想結婚行教堂，所以揀咗沖繩！其實我哋兩個嘅心情係平靜嘅，但到真正行禮嗰刻我有啲緊張，因為教堂嗰邊嘅人好謹慎，好着重每個步驟，令我都好謹慎同有啲緊張，老婆就感動嘅！」

他透露雙方家人及太太的朋友同在沖繩玩了五天：「最難忘係沖繩由26日開始落雨同刮大風，所以最終放棄喺室外影結婚相，轉去室內取景，但教堂範圍唔畀自己影相，所有相要由專人整理，要兩個零月至寄到手，依家見到嗰啲相，係朋友偷雞影嘅！」

此外，李天翔的好兄弟鄭世豪見證好友求婚、簽字註冊及到沖繩行禮，他上載照片並留言：「恭喜李生李太，無敵幸福甜蜜美滿。」

文：影視組