關心妍為慈善拋身接Job
歌手關心妍（Jade）昨晨以大使身份出席抬轎比賽，問到為何不與老公楊長智及囡囡楊榮心同行？Jade坦言愛女未起床：「帶佢出街好論盡。（自己唔敢帶佢出街？）已經習慣，佢好聽話。」早年成立「妍亮生命慈善基金」的Jade透露年底將舉行慈善晚宴，由於時間緊迫，加上要應付場租及製作費，近日已開始接工作賺錢，她說：「呢個晚宴有5、60張枱，依家只賣出一半，有好多費用要畀，好感恩下個月有兩場內地騷，都擔心慈善晚宴唔夠錢。」對於被笑要拋個身接工作，Jade無奈表示冇辦法，並感謝多位藝人為晚宴拍片宣傳：「好多藝人二話不說拍片宣傳，但依家離目標仲好遠， 因為想開一間服務中心。（碌盡人情卡？） 仲慘過自己開演唱會。」
