攞視帝娶翠如？蕭正楠：咁就唔使結啦！
藝人蕭正楠（Edwin）、方力申、江美儀和梁嘉琪昨晨到荃灣出席慈善跑活動。Edwin近日被傳與女友黃翠如準備生BB，他笑住否認：「未結婚點會有，我仲要專注工作，11月要拍一套有關傳說嘅劇，去到新年都未有時間。（唔接受先有後婚？）你估我係阿廉（曹永廉）咩？哈哈！不過係佢嘅種子健康啫！（你安全啫！）講呢啲？」
問到是否要奪得視帝才結婚？他笑說：「咁就唔使結啦！兩件事分開嘅，時機成熟就會發生。（今年有冇信心攞獎？）仲有啲台慶劇未播，信心一半一半啦！」對於苗僑偉讚翠如有望得視后，Edwin搞笑說：「咁佢今年只係同翠如合作，梗係要撐佢！（網民話翠如『世界級演技』！）係咪真係讚先？翠如比以前進步咗好多，點都有人鍾意有人唔鍾意，冇所謂啦！」
至於方力申近年經常參與公益活動，他表示最近思考成功的定義，便是用影響力幫更多人：「參與多咗義工活動，大家唔會理對方背景。（做義工嘅女仔係咪較吸引你？）哈哈！咁心地善良永遠都加分，我好鵪鶉，如果對方唔夠善良，我肯定畀人蝦死！」