歐鎧淳邊游邊影阻住晒！

「港隊飛魚」歐鎧淳與一班港隊隊員以非競賽組別參與渡海泳，笑言要藉此機會享受游維港的過程：「今日好易游，因為係順流，加上水都好清，伸手見五指嘅，參加競賽就蝕晒啦！我哋都好少機會游海，又可以游下唔同泳式。（有咩準備？）我哋日日都游水嘅，今次梗係幫相機叉足電先，我哋帶埋相機去游，沿路係咁影相。（有冇泳手搵你集郵？）都有，不過大家都係好專心咁游，係我哋先咁唔專心，實阻住佢哋游添啦！」由於不用競賽，歐鎧淳顯得輕鬆，邊游邊影相，將開心相片上載社交網站，並與衛詩雅合影。