賣樓勁賺650萬 請手足擦靚鮑 陳煒豪言：好平！

陳煒直指黃浩然太誇張，自言只是私下請同事食鮑魚。

藝人陳煒自五年前與台灣富商顏志行離婚後，一直衝刺事業密密拍戲吸金，之前有指她於2014年獲前夫送贈當時市值2,000多萬的貝沙灣千呎豪宅作贍養費，隔一年以3,000多萬售出，一轉手賺逾650萬，非常犀利。進身成圈中富婆後，陳煒出手亦愈見闊綽，拍檔黃浩然在前晚舉行的無綫新劇《果欄中的江湖大嫂》煞科宴上，大爆她開工時經常請食鮑魚！對此，陳煒昨日在電話受訪時指對方太誇張：「邊有咁，私底下請啫！（請食幾頭鮑？每次出幾錢？）唔計呢啲啦，都係自己煮，好平！」

馮盈盈偷師

陳煒在前晚的飯局中透露稍後會與袁文傑拍健康資訊節目，屆時會下廚露兩手，問到會否開私房菜？她笑說：「呢啲錢唔係我搵，請朋友就OK，做生意真係唔識。」同樣參與該節目的馮盈盈則指屆時會向陳煒偷師學廚藝：「可以用番大學讀營養學嘢知識。（本身識煮嘢？）好食o架！但最好食嗰啲往往都唔係最健康嘅，好似芝士焗龍蝦咁。」

「有口福喇！」（設計對白）

馮盈盈想跟陳煒學廚藝。

同場的黃浩然則表示11月會拍旅遊節目，現時趁放假陪囝囝讀書，囝囝更因為要做功課而勁呻：「想同佢經歷小一，佢由唔使寫字到開學個幾月要背默幾十字，老婆嘅壓力比較大。」

文：影視組