陳豪「死咗」伺機「翻生」

藝人陳豪及森美到觀塘apm出席「感受澳門無限式嘉年華」活動，劇集《使徒行者2》前晚大結局，末段出現馬國明扮演陳豪的弟弟，似留下伏線為陳豪報仇開第三集，對此，陳豪說：「情理上似，開拍機會大，不過我死咗，唔知點出現番。」他不諱言該劇令他工作量增加，正接洽返內地拍劇，屆時可以帶同小朋友前往。問他可有信心爭視帝？陳豪說：「冇冇冇，平常心。（王浩信係勁敵？）恭喜佢攞新加坡視帝，戥佢成功開心，佢演小角色時已經好搏命，無綫正用人之際，佢冒起剛剛好。」