李彩華透視誘惑男友嫌唔夠喉
歌手李彩華（Rain）前晚首次於麥花臣場館舉行處女演唱會，性感登場的她大玩透視誘惑，卻被男友嫌未夠性感！Rain請來從事漁業批發的李彩華以口琴伴奏惡搞版《你唔愛我啦》，而另一嘉賓胡渭康甫上台就語出驚人，笑問Rain：「你個膜冇事嘛？」場面搞笑！
入行17年的Rain圓夢在旺角舉行唯一一場《十月的雨演唱會》，獲張文慈、薰妮、羅霖與Rain的家人及男友何遠恒捧場，穿上紅色皮褸及透視長裙現身的她唱出多首懷舊金曲，期間她在台上調整耳機，笑說差點震穿耳膜，嘉賓胡渭康笑問：「你個膜冇事嘛？人生冇幾多膜可以穿！」二人合唱《世間始終你好》等經典歌，表示要向高難度挑戰，Rain唱完《愛是不保留》後，哽咽感謝家人及朋友在她身處低谷時給予支持，並帶她認識主。
賣魚李彩華掀高潮
另外兩位嘉賓分別是洪杰及從事漁業批發的李彩華，李生以色士風為Rain伴奏《月半小夜曲》，提到Rain的成名作《你唔愛我啦》，李生指網民惡搞成以賣魚為主題的《你唔買我啦》，笑言：「唔怪得啲魚呢輪難賣咗！」當Rain落台換衫，李生獨自在台上以口琴伴奏由和音唱的《你唔買我啦》，又負責當中Rap的部分，即時掀起高潮！
只食一塊餅乾頂肚
至Encore環節，Rain騷胸唱出自己歌曲的Medley，再次哽咽多謝多年來愛錫她的人。完騷後Rain受訪時表示，喜歡舊歌特意選唱多些，因對她影響深遠，像薰妮的《每當變幻時》，她在卡拉OK唱時已很感動。提到頭兩套衣服隱約透出內裏的三角褲，Rain解釋是防止走光的泳褲，男友可會覺得太性感？她說：「冇喎，佢話可以再性感啲。」她希望將來開更大型的騷。Rain又自言平日食兩、三個飯盒，前日僅吃了一塊餅乾：「慶功聽聞有雞煲食，好肚餓！」
文：音樂組
攝：劉斌