6號心郁郁買日本樓

藝人陸浩明（6號）、江美儀及林穎彤等昨日出席「2018日本物業投資趨勢分析」活動，身為代言人的6號透露，由最初的兩個月任期加簽一年，連酬勞亦有升幅，絕對足夠在日本投資房地產：「當地入場費平，100萬港幣樓下已經有3、400呎。」他又指女友是日本迷：「一年去兩、三次玩嗰隻，所以到時買咗嚟度假住都得。」
江美儀（左）與林穎彤打扮靚靚出席活動。
江美儀（左）與林穎彤打扮靚靚出席活動。

美儀透露雖然現時持有一個香港物業，奈何本地樓價高企，根本未有能力再置業：「當年買個單位300幾萬已經有700幾呎，依家都要成8、900萬先買到，要我再買真係買唔起！但如果喺泰國、日本呢啲地方就有得諗。我有朋友喺泰國買完樓都租畀人，係幾好嘅投資方法。」

陸浩明經常與女友到日本旅行，有意在當地置業。
  • 陸浩明經常與女友到日本旅行，有意在當地置業。