陳敏之冇覺好瞓押後追B
藝人陳敏之投資的曲奇店昨日開幕，並帶同10個月大的囝囝現身，她透露已有六間店舖，計劃大展拳腳：「農曆新年前會再開多一間，下年會開多幾間。（生意好好？）OK啦。（會唔會再做其他生意？）會，想開Cafe、麵包店或者蛋糕店，想開多啲唔同嘢，畀大家試吓曲奇餅以外嘅嘢。」
生意愈做愈大，問到會否有藝人朋友要求入股？敏之稱做生意不易，表面風光，但背後有很多難關，要事事親力親為，連私人時間也沒有，她坦言：「其實我希望抽番多啲時間拍劇，想做多啲唔同角色。暫時最快都要下年先開劇。（幾時再計劃生B？）生仔一定唔係今年，睇吓幾時為個仔搵個伴，但自己瞓覺時間都冇，所以真係要好好考慮。」