「六合彩之子」蔡國威與周美欣等人前晚出席以網球為題的電影，蔡國威近日再在無綫主持《六合彩》，他坦言沒有想過短時間內再做該節目，要用「神迹」來形容事件，笑言首集感到緊張：「我終於做番正常人，有番心跳。嗰晚做完心跳加速咗，知道正常番。」他透露公司安排設計師為他設計衣服及襯衫：「今次全部揀晒吊腳褲畀我，重點係型咗，連我自己都覺得靚仔咗。」而周美欣表示小時候打過網球，但覺得好難，反而鍾意行山、跑步同游水，所以膚色很黑。
