有筍盤介紹！陳智燊「醫」級兄弟益劉佩玥
無綫小花劉佩玥首次與陳智燊在劇集演情侶，她笑指這位「英倫紳士」是朋友眼中的男神，但私下則是位「吹神」！至於已封盤的陳智燊則笑言，可介紹「筍盤」牙醫兄弟給劉佩玥認識。
藝人劉佩玥（Moon）與陳智燊（Jason）昨日在油塘拍攝新劇《堅離地愛堅離地》，二人拖手同遊室內遊樂場，溫馨又甜蜜。談及首度與Jason拍檔，Moon笑言身邊很多朋友都視他為男神：「呢啲公子Feel好多人冧，不過佢私下原來好搞笑、好多嘢講，唔知係咪喺屋企唔畀講嘢？」被指是「筍盤」的Jason即媒人上身，笑說：「係咩！其實我阿哥同細佬都好似我，仲有位係牙醫，未結婚(0架)！」
咀勻老婆啲Friend
玩籃球機時，Jason玩到手軟兼冒汗，被Moon取笑「射極唔入」。Moon表示大學畢業後未有到過室內遊樂場，而Jason則說：「同Sarah（宋熙年）拍拖時要保持低調，依家覺得可以嚟Sweet吓。（帶埋小朋友會開心啲？）都係，努力中，最快都要9個月啦！」問到與Moon拍親熱戲會否向太太報告？他笑說：「咀戲？佢會明白嘅，係演戲需要，佢唔使擔心，佢啲姊妹我都咀過晒啦！十個咀咗九個，包括高海寧、龔嘉欣、岑麗香，冇驚喜喎！」Moon聞言即笑稱與「陳太」很老友，若被欺負會打小報告！
文：影視組
攝：唐豁莊