演性工作者 鄧月平喊到煞科

藝人鄧月平（Larine）前晚以露肩裝搶Fo，與組合SIS樂印姊妹到尖沙咀出席電影活動。講到最近工作，Larine大呻好忙：「錄咗我嘅第一首歌，加上一部電影作品煞科，劇情講我死咗男友，自暴自棄而做性工作者，有幾多喊戲，呢段時間都幾唔開心。」
鄧月平以露肩裝搶眼亮相。
鄧月平以露肩裝搶眼亮相。

問到角色可要性感示人？Larine說：「少少性感場面，好多時要赤腳。（覺得辛苦？）少少，我以前都幾爛瞓，但拍戲唔係幾瞓到，依家已經變成瞓一、兩個鐘已經叉足電嘅體質。」

樂印姊妹結伴出席電影活動。
  • 樂印姊妹結伴出席電影活動。