好杯中物 林國斌力勸戒酒
陳自強最後一次參與友儕間的活動，是上月底的林國斌生日會，對於陳自強離世，林國斌傷心的說：「我30幾年前係成家班成員，佢好錫我哋，印象最深係佢好鍾意飲酒，都有勸佢飲少啲，睇吓大家有乜通知，一定會幫手。」
由陳自強一手帶入行的段偉倫，得悉對方死訊，悲從中來，飲泣地表示：「冇Willie就冇今日嘅我，佢好錫我哋，冇架子又肯幫人。」而上星期剛跟Willie食飯的盧惠光，指對方當時精神很好，Willie更是其長子的契爺，很錫他們，加上很多電影工作都是陳自強接回來，令盧惠光十分感激。
至於陳自強契仔麥浚龍（Juno）早年被指與契爺不和，但經已冰釋，Juno回應說：「永遠懷念笑容親切的他。」另一位契仔譚俊彥直言年多前見過契爺，他說：「契爺最怕我，我不停叫佢戒酒，佢曾經咁答：『唔畀我飲酒不如叫我去死嘞！』」
謝賢（四哥）於70年代與陳自強、沈殿霞、秦祥林等組成「銀色鼠隊」，對於昔日隊友先後離世，豁達的四哥笑言：「可能下個到我啦！」並說若他在港定會出席喪禮。