自斷三連金張敬軒唔派歌讓賽？
歌手張敬軒昨晚為《Music In Town閉幕演奏會》任壓軸表演嘉賓，演唱四首大熱作品，大騷唱功，同門歌手洪卓立亦專程到來，更席地而坐捧場。軒仔表演後接受訪問，表示11月將與容祖兒開音樂會，亦籌備明年的個唱。問到是否在紅館開騷？軒仔表示未知紅館檔期。講到他可是和祖兒夾埋，不派新歌參加本年度音樂頒獎禮？軒仔否認：「唔係，咁啱啫！」
職業再培訓
有傳本年度「叱咤男歌手金獎」大熱是李克勤，去年軒仔奪金，今年卻玩「讓賽」？他說：「唔關事，冇話讓唔讓，反而係難得公司畀我今年去學嘢，但屋企狗仔出咗事，所以原本去外國進修都無限期擱置。不過我喺香港都有『職業再培訓』，有學吓英文。」提到可能會斷了三連霸奪金，軒仔說：「實有嘅咩？唔一定嘅！12月我要影唱片封面同拍MV，睇吓到時可以去到邊個（頒獎禮），都會支持嘅。」
驗出脂肪肝
軒仔開心指今年多了時間陪家人，又自爆早前做身體檢查時驗出有脂肪肝，被醫生取笑吃太多美食，他自言其實是愛吃消夜及飲啤酒，所以早前被拍到有「啤酒肚」，而醫生指他只需吃清一點，不用服藥。
文：音樂組