周美鳳巴黎大開眼界

任職公關的周美鳳早前獲邀到法國巴黎出席當地舉行的2018春夏時裝周，她稱這是首次到巴黎睇騷，令她大開眼界，她說：「以前覺得山長水遠，自己冇咁嘅時間又冇精神去，但今次去完真係好開心，因為食住機票全部一流服務，好豪華嘅安排，我同女朋友一齊去到，先Shopping，然後做咗個按摩同Facial。」
周美鳳
周美鳳

她稱此行看了兩場時裝騷，大叫精彩，最難忘是獲邀到已故傳奇設計師CoCo Chanel的工作室參觀，她說：「去到佢工作室，每件物品都好留心睇，全部好有藝術感，工作室有好多中式藝術品擺設，好多屏風、雕塑，上面雕咗龍同鳳，甚至乎有觀音添！覺得幾好，覺得佢係一個好有遠見嘅人，好早之前已見到中西文化嘅定位。」她表示充電後回港，揚言花了不少錢，故要努力工作。

周美鳳到巴黎睇騷，還參觀已故傳奇設計師的工作室。
  • 周美鳳到巴黎睇騷，還參觀已故傳奇設計師的工作室。