太太傷尾龍骨拒食止痛藥 林奕匡：佢勁忍得

歌手林奕匡（Phil）、Supper Moment、小塵埃、吳林峰、楊智遠及蔡可汶前晚出席音樂會，森美則擔任司儀，各人輪流上台獻唱，為大專生打氣。Phil受訪時談到太太李靄璣早前尾龍骨受傷，他透露對方雖未康復，但情況比之前好了很多：「佢又唔想食止痛藥，因為唔想依賴。（預備生小朋友所以唔食藥？）唔係，佢忍痛嘅能力好勁。」問到可有盡量抽時間照顧對方？Phil笑言有負責煮飯，並大讚太太一直很體諒自己的工作。