連日來已有多位女性出來指控被電影大亨Harvey Weinstein性侵，而英國影星哥連卓夫就自爆早已得知女星Sophie Dix被Harvey企圖強姦，但自己坐視不理，因而深感慚愧！
英國女星Sophie Dix日前指控Harvey於27年前曾企圖強姦她，而2010年憑Harvey監製《皇上無話兒》（The King's Speech）奪得奧斯卡影帝的英國著名男星哥連卓夫（Colin Firth）日前接受英國傳媒訪問時，坦承受害人當年曾向他講過被Harvey施襲的經歷，但最終選擇袖手旁觀：「佢話過我聽佢同Harvey有過難堪經歷，我諗佢冇講到佢喺訪問入面嘅可怕細節，但我記得佢好唔開心。我好羞愧，因為我只係講我好同情佢，而冇採取任何行動。我唔知佢記唔記得同我講過，但依家事件曝光後，我就因為曾經有咁嘅對話而纏繞住我。」
哥連更指自己沒有挺身而出，一直受良心譴責。他又大讚Sophie有勇氣，慶幸她多年後選擇道出真相，Sophie其後回應表示好高興哥連終於發聲。
另方面，再有女演員自爆曾被Harvey強姦，英國女演員Lysette Anthony前日向傳媒披露於80年代曾被他強姦。現年54歲的Lysette表示當時應約到他位於倫敦的寓所，期間半裸的Harvey對她上下其手，她即時逃走。不久後有晚他突然出現於她家門前：「佢將我推入屋內，伸手入我浴袍亂摸……最後我被迫就範。」並形容Harvey當晚的行為「可悲又令人作嘔」。她稱現已報警，警方發言人指正就案件展開調查，Harvey將面臨刑事起訴。Lysette解釋25年後才報警是因自己感到極度尷尬和羞恥，覺得沒人會相信她。
此外，美劇《囧男大爆炸》（Big Bang Theory）女星Mayim Bialik日前於報章撰文談及Harvey性醜聞時，指自己作為一個自豪的女性主義者，沒興趣去減肥、做整容手術或請一個健身教練，故自己沒有被男人邀去酒店會面的經驗，其言論被批評有怪責受害人之嫌。
文：外娛組