十姑娘女兒送別胞弟 靈堂哭訴15年冇得見媽咪
賭王胞妹十姑娘何婉琪的兒子麥家興上月29日因喉癌病逝，終年61歲，昨日於香港殯儀館設靈，今日出殯，遺體會安葬於何東家族墓園昭遠墳場。麥家興胞姐麥慧貞昨晚6時半由女兒陪同抵達靈堂，逗留至晚上9時才離開，她表示胞弟離世時，她在身邊，問到對方有何心願未了？她說：「佢都講唔到嘢，或者想見媽咪，但見唔到。」
希望死前能見一面
問到十姑娘的健康狀況，麥慧貞說：「我聽講還可以，但行動緩慢，時而清醒。」她續表示已多年沒見過母親：「佢依家喺養和醫院，有人下令醫院，任何人都唔入得去探佢，否則會告我哋擅闖民居。（有冇通過電話聯絡？）冇，好似話有兩個菲傭睇住佢。（幾耐冇見媽咪？）都15年喇！（好掛住？）掛到冇感覺。（有咩想同媽咪講？）Before佢死之前有時間一齊，見到佢！」說時一度眼泛淚光，表現激動又無奈。
另外，賭王三房兒子何猷啟與何超雲、四房兒子何猷亨也有到場悼念，猷啟表示代媽咪三太陳婉珍出席：「因為8號風球，同埋媽咪要照顧爸爸，一陣家姐（何超雲）會嚟。（有冇同表哥麥家興共事過？）我太細，冇乜接觸。」期間他不停捽眼，他解釋是吹沙入眼。而猷亨與超雲一同前來，猷亨為超雲擔遮擋雨，之後又開車門送她先離開。問超雲是否代表媽媽出席？她點頭。
