直踩廿粒鐘冇瞓阿嬌狂NG自責落淚

鍾欣潼（阿嬌）早前在台灣與賀軍翔（小美）合拍新劇《動物系戀人啊》，近日爆出阿嬌在拍攝途中因返內地做商演，可能舟車勞頓下沒有背好劇本，結果有場戲狂NG，有傳她激到小美忍不住爆粗責罵，阿嬌亦當場爆喊。記者昨日聯絡阿嬌的經理人霍汶希，她指阿嬌接拍前已經落實巡迴演唱：「中間佢返內地做咗一場騷，做完即刻趕返台灣拍劇，佢嗰日廿幾個鐘頭冇瞓過，可能精神唔夠！佢聽唔到導演叫佢擺啲忌廉喺小美個口，佢擺咗落對方塊面。阿嬌係好自責而喊，好唔好意思，但唔係甩劇本，因為嗰場戲冇對白！小美亦絕對冇爆粗鬧佢，阿嬌只係自責喊唔停，嗰日拍唔到，覺得影響到劇組，事後都有向劇組、導演同小美講對唔住。」