許志安：騷肌好奢侈！

AGA性感亮相，笑言是個人一大突破！

安仔首次開露天騷，感覺相當開心，但因舞台頗高，又有一眾Model行騷，笑言不敢亂郁：「企佢哋側邊會顯得自己好矮，我唱歌時已經企高一級，佢哋都同我平排！（咁多女Model行來行去有冇分心？）我不嬲唱歌好專業，只係覺得個畫面好浪漫，班女仔着住晚裝，都幾適合首情歌，我冇諗其他嘢呀！（目不斜視？）要望吓交流吓……望吓都得啩！」早前安仔表示要再操肌，問是否隨時Ready除衫？他笑說：「我見到啲人有肌肉，就覺得好奢侈，因為要花好多時間練，前排我去北京做四日宣傳，當地食物比較肥膩，我有跑步都重咗，等得閒再練！」

至於AGA身穿造型師設計的黑色低胸連身開衩晚裝，性感騷兩吋事業線，她承認性感程度是個人突破：「盡量畀信心自己表現得唔怕醜，事前真係好擔心，好少着到咁女仔、咁高貴，個台都幾高，又打風，所以要禱告，希望順利。」

周汶錡型格現身。	許志安邊唱歌，Model邊行騷，場面浪漫。	貝安琪透視誘惑。