網紅Berry整容30次鄒凱光怒踩渣男
由鄒凱光（灘叔）、駱振偉（Thor）、薛晉寧（阿檸）任主持的ViuTV《晚吹－男人講嘢》，推出後火紅熱爆，每集都會以男人角度暢談與女人相處時遇到的問題，不過最新一集就搞搞新意思，灘叔找來一位「整形」的網紅靚女談心，唱衰「渣男」的賤行。
本集網紅嘉賓Berry年僅22歲，早於17歲便第一次整容，至今做過約30次的微整形及開刀手術。據Berry提供的昔日照片，整容前她已是靚女一名，單計外貌起碼有80分，不過整容後的她，卻被彈不見得比未整容前更靚、更標致，反而變得一副「膠樣」，令Berry泥足深陷，整容整「上癮」。Berry為討好前男友，更毅然接受隆胸，令她後悔一生。
Berry甘願為前度隆胸，但整完兩人的關係卻未有好轉，她坦白說：「覺得佢掂你多咗，但你唔會鍾意囉，唔係愛撫。」對於其前度如此衰格，三位主持人即用「渣男」來形容，灘叔更發揮不少金句，例如：「（Berry前度男友）佢睇住AV同你做愛，佢根本唔當你係人」、「有一類型男人若果要控制身邊嘅女人，會選擇將對方踩到體無完膚，（Berry）你前男友就係呢種人」、「其實講咗咁耐，最需要整嘅，係你前男友個腦」、「男人望到隆胸，點都會想玩番幾吓嘅，好似新玩具一樣，起碼我會囉」、「整容就好似染髮一樣，你染咗一次，就永遠冇可能生番好似原本一樣嘅髮色！」
學生微調有優惠
Berry親揭當初踏上整容之路的經歷，被連鎖美容公司以「799元學生優惠微整形套餐」吸引，聲稱只需在臉上打3支針，便可令輪廓更立體鮮明，猶如韓劇女星，但上門後卻被游說選購「升級」服務，最終花了1.7萬元打3支針，結果5年來從眼、鼻、嘴唇、顴骨、額頭到下巴等部位都整過，就像挑了「精選套餐」，有不同女星的影子。
可惜變靚了的Berry卻遇上「渣男」，畢業後她從事銀行工作，並認識了一個改變她一生的前度男友，她說：「佢不斷用言語打擊我，搞到我自信心低落，最後為咗討好佢，我仲走去接受隆胸手術，結果後悔一生。」與前男友分手後，Berry決定將自身經歷拍成短片，於Youtube上與網民分享，藉以告誡一眾心思思想整容的女生，行動前要三思！
《晚吹－男人講嘢》
播放時間：逢星期六晚上11:30‧ViuTV 99台
文：音樂組