翻黎明舊帳衛蘭呻冇發言權焗過檔

歌手衛蘭（Janice）近日四出宣傳明年1月於紅館舉行的演唱會，日前接受電台訪問時透露當年在黎明揸弗的Amusic中沒發言權，每次提出意見都變成「左耳入右耳出」及「意見接受、態度照舊」，Janice說：「傾完都好似冇人聽到咁，發表過都冇咩用！我開始覺得唔開心，問自己係咪仲要留低呢？」成功過檔華納的Janice坦言沒有後悔：「喺華納想表達嘅嘢好多，佢哋會聽我說話同鼓勵我發表意見。」曾遭黎明指「肥過部電單車」的她雖然近年積極做運動減肥，但效果卻不顯著，Janice表示華納是簽其歌藝：「簽我係因為我把聲，唔係我嘅身形。」又透露當日與外籍男友分手，全因對方受不住失實報道。