情傷加腳傷 承認有拗撬 52歲劉美君8年情玩完
歌手劉美君因綵排紅館個唱而受傷，在社交網上載雙腳紮滿繃帶的受傷相，但原來除身體受傷外，她更受情創，昨日承認跟拍拖8年的混血兒男友Steve分手：「我哋係因了解而分開。」
今年52歲的劉美君（Prudence）將於10月14及15日假紅館舉行兩場《Karma Chameleon千色》演唱會，個唱倒數在即，她近月積極綵排，昨日在社交網上載受傷相，見她雙腳包了繃帶，小腿又貼大膠布，似乎傷勢不輕，粉絲即留言慰問，而Prudence安撫大家說：「Enjoying my day off（享受放假日子），包紮look by my bonesetter 跌打醫生，我冇事，普通維修保養，鬆吓根（筋），加速血液循環咁姐（啫）。」
享受獨身生活中
原來除了受傷，Prudence亦心傷，早前她與相戀8年、已達談婚論嫁的混血兒男友Steve低調分手，只是她不欲影響個唱，加上不想外界將焦點放在感情事上，故每當受訪被問及男友時，她只輕輕帶過，未有公開情變一事。經歷兩段婚姻的Prudence，月前曾在社交網透露心聲，於9月中曾指「nice to be single and available again」、「享受獨身生活中」、「兩個人要掙扎來維持，倒不如分開，勉強無幸福」。
昨日Prudence接受電話訪問，被問到腳部受傷，男友可有來照顧，她竟自爆已分手：「既然大家都問起佢，不如我講出嚟，我哋分咗手，雖然我哋相處咗8年，我發現大家喺人生價值觀唔同，相處期間都有拗撬，咁不如分開，俗語嗰句係『因了解而分開』，之前唔想講係唔想人哋以為我宣傳。」
表現堅強的Prudence叫大家不用擔心其傷勢，她說：「有一Part係好似畀人圍剿咁，有啲拉扯，我着高踭鞋，加上啲舊患，所以我去睇跌打去瘀，唔想對腳又黑又瘀咁，綵排時間都好長，排4個鐘至8個鐘不等。」
文：音樂組